"Spartak" futbol klubu və Rusiya yığmasının keçmiş futbolçusu Aleksandr Səmədov Qazaxıstanın "Kayrat" komandasına transfer edilə bilər.
Trend-in məlumatına görə, bu barədə "Kazfootball" portalı xəbər yayıb. Portalın məlumatına görə, "Kayrat" hal-hazırda braziliyalı yarımmüdafiəçi İsael da Silvaya əvəz axtarır. Daha öncə isə rusiyalı yarımmüdafiəçi Andrey Arşavin karyerasını yekunlaşdıraraq klubda çıxışını dayandırıb.
Yanvar ayında Səmədov və "Spartak" tərəflərin razılığı əsasında müqaviləni ləğv ediblər. 34 yaşlı futbolçu "Spartak"ın heyətində 109 oyun keçirib və 15 qola imza atıb. Komandanın heyətində o, Rusiya çempionu adını və ölkənin Superkubokunu qazanıb.
2018-ci ilin yayında Səmədov Dünya Çempionatında Rusiyanın heyətində çıxış edib və komanda ilə birlikdə 1/4 finala qədər yüksəlib. DÇ-dan sonra futbolçu millidə karyerasını yekunlaşdırdığını bildirib.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
