Uelsin "Kardif" klubunun yeni transferi Emiliano Salanın da içində olduğu itən təyyarəyə aid ola biləcək hissələr tapılıb.
Qol.az-ın xarici KİV-lərə istinadən yaydığı xəbərə görə, araşdırmaçılar Kotentin yarımadasında yerləşən Suraynvill çimərliyində təyyarəyə aid olduğu güman edilən oturacaqların iki balışını tapıblar. Təyyarənin qalıqlarını tapmaq üçün suyun altında araşdırmaların davam edəcəyi açıqılanıb. Ancaq əlverişsiz hava şəraiti səbəbindən axtarışlara istirahət günlərindən sonra başlanacaq və üç gün davam edəcək.
Qeyd edək ki, İngiltərə Premyer Liqasında çıxış edən "Kardiff" Emiliano Salanı "Nant"dan 20 milyon avroya transfer edib. Argentinalı hücumçu yanvarın 22-i Fransadan Kardiffə xüsusi təyyarə ilə yola salınıb. Ancaq hava gəmisi mənzil başına çatmazdan yarım saat əvvəl radardan itib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
