"Azərbaycanla keçirəcəyimiz ilk oyunumuz yadda qalan olacaq. Bu komanda xüsusi və güclü futbolçulardan təşkil olunub. Onlar ələ düşən imkanlardan yaxşı yararlanırlar".
Qol.Az-ın məlumatına görə, bu sözləri Fransanın U-19 yığmasının baş məşqçisi Patrik Qonfalon deyib.
Fransa mətbuatında danışan təcrübəli mütəxəssis Avropa çempionatının elit-raundunun ilk oyununda qarşılaşacaqları millimizlə oyunda qələbə qazanmalı olduqlarını bildirib:
"Qrupda əsas rəqibimiz İngiltərə millisidir. Ona görə ilk oyunumuzda xal itirməməliyik. Ancaq biz doğma meydanda oynayırıq və bu da futbolçulara əlavə motivasiya verəcək".
Qeyd edək ki, Fransa - Azərbaycan oyunu bu gün, Bakı vaxtı ilə saat 23:45-də başlayacaq.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.