Rusiya prezidenti Vladimir Putin Fövqəlada Hallar Nazirliyinin (FHN) 22 yüksək çinli məmurunu işdən çıxarıb. İşdən çıxarılanların rütbəsi polkovnikdən general-polkovnikə qədər dəyişir. Onların sırasında Rusiya FHN Moskva baş idarəsinin rəisi Aleksandr Yeliseyev və onun müavini Aleksandr Qavrilov da var. Bundan başqa, FHN-nin Uzaq Şərq, Şimali Qafqaz, Sibir, Şimali Qərb, Volqoboyu, Ural və Mərkəz regional mərkəzlərinin rəhbərləri də işdən çıxarılıb.
İşdən çıxarılanlar arasında FHN-ni baş hərbi eksperti Eduard Çicikov da var.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
