banner
banner

İdman

İpək Yolu Kubokunu Rauf Məmmədov qazanıb

İpək Yolu Kubokunu Rauf Məmmədov qazanıb

26 may - Gürcüstanın Müstəqillik Günü və 28 may - Azərbaycanın Respublika Gününə həsr edilmiş şahmat üzrə internet üzərindən İpək Yolu Kubokuna yekun vurulub.

Apasport.az saytının məlumatına görə, koronavirus pandemiyası günlərində Azərbaycan Gənclər və İdman Nazirliyi, Azərbaycan Şahmat Federasiyası (AŞF), Gürcüstan Şahmat Federasiyası (GŞF), eləcə də SOCAR-ın təşkilatçılığıyla təşkil olunan blits yarışın qalibi Rauf Məmmədov olub.

Mayın 17-də Fransa çempionluğunu qazanan 32 yaşlı qrossmeyster bu dəfə İpək Yolu Kubokunun ən güclüsü adına yiyələnib. O, 15 turdan 11,5 xal toplamaqla birinci yeri tutub. İkinci yerdə qərarlaşan gürcüstanlı Baadur Cobava həmyerlimizdən 0,5 xal geri qalıb. “Üçlüy”ü yığmamızın digər üzvü – Nicat Abasov qapayıb. O, aktivinə 10,5 xal yazdırmağı bacarıb.

Digər tanınmış şahmatçılarımızdan Şəhriyar Məmmədyarov 10 xalla 6-cı, Nicat Məmmədov 9,5 xalla 8-ci, Aydın Süleymanlı eyni xalla 9-cu, Vasif Durarbəyli 9 xalla 10-cu, Qədir Hüseynovla Eltac Səfərli 8,5 xalla müvafiq olaraq, 12-ci və 13-cü pillədə qərarlaşıblar.

Qeyd edək ki, ümumi mükafat fondu 20 min avro olan turnirin qalibi 2500 avro qazanıb. İkinci yerin sahibi 2100, üçüncü pillənin sahibi 1700 avroya yiyələnib. Həmçinin, yarışda mübarizə aparan bütün şahmatçılar göstərdikləri nəticəyə müvafiq olaraq pul mükafatı qazanıblar.

 


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.