Dünya futbolunun canlı əfsanəsi Dieqo Armando Maradona yenidən FİFA prezidenti Yozef Blatteri tənqid atəşinə tutub. Qol.Az-ın məlumatına görə, argentinalı veteran futbolçu bu dəfə Blatteri rüşvətxor adlandırıb. Yenidən FİFa prezidentliyinə namizədliyini irəli sürdüyü üçün Blatteri qınayan Maradona ali futbol qurumunda köklü dəyişiklik edilməli olduğunu deyib:
“Blatter bu dəfə kifayətqədər səs toplaya bilməyəcəyindən qorxur. Düzdür, o, böyük nüfuza malikdir. Ancaq Blatter bütün ömrü boyu bir dəfə də topa toxunmayıb. O, sadəcə rüşvətxordur. Məncə, İordaniya şahzadəsi Əl-Hüseyn ona ən yaxşı rəqibdir. Artıq futbol başqa insanların əlində olmalıdır”.
Qeyd edək ki, Blatter və Əl-Hüseyndən başqa namizədlər arasında Luiş Fiqu və Maykl van Praq da var. FİFA prezidentliyinə seçkilər mayın 29-da keçiriləcək.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
