“Barselona”nın baş məşqçisi Ronald Kuman klubun qış transfer pəncərəsi üçün planlarından danışıb.
Qol.az xəbər verir ki. 57 yaşlı mütəxəssis maliyyə problemi olduğuna görə, çox sayda oyunçu istəmədiklərini deyib:
“Davamlı şəkildə idman direktorumuz Ramon Planeslə hansı futbolçunu transfer edə biləcəyimiz, komandanı necə gücləndirməyimiz lazım olduğu barədə danışırıq. Amma klubun maddi vəziyyətini nəzərə alsaq, çox futbolçu istəmirik. Mən bir neçə dəfə qeyd etmişəm ki, bizdə nə çatmır. Mümkündürsə, oyunçular amağa çalışacağıq”.
Qeyd edək ki, “Barselona” hazırda La Liqanın turnir cədvəlində 11 xalla 8-ci yerdədir. Kataloniya klubu Çempionlar Liqasının G qrupunda 9 xalla liderdir.
