Amerika Birləşmiş Ştatlarının Mayami şəhərində meşə yanğınları tüğyan edir. Yanğınsöndürənlər yanğın ocaqlarının qarşısını almaqda çətinlik çəkirlər. Buna səbəb kimi isə, şəhərdə güclü küləklərin əsməsi göstərilir. Rəsmilər son iki gün ərzində azı 8 min hektar ərazinin yanaraq külə döndüyünü bildiriblər. Yanğının qarşısını almaq üçün bölgəyə çox sayda yanğınsöndürmə briqadaları cəlb olunub. Yanğınsöndürənlər gecə və gündüz fasiləsiz fəaliyyət göstərirlər. Alov yaşayış məntəqələri olan bölgəyə yaxınlaşsa da, alovun həmin bölgəyə keçmə ehtimalları azdır. Təhlükəli bölgələrdən isə, insanlar tamamilə təxliyə olunub.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.