Çempionlar Liqasının 1/4 finalının cavab görüşü çərçivəsində səfərdə "Real"ın qonağı olan "Atletiko" ciddi itki ilə üzləşib.
Qol.Az-ın məlumatına görə, hazırda davam edən görüşün 76-cı dəqiqəsində "Atletiko"nun yarımmüdafiəçisi Arda Turan meydandan qovulub.
İlk hissədə Kriştiano Ronaldoya qarşı kobud oyununa görə sarı vərəqə ilə cəzalandırılan türkiyəli futbolçu 76-cı dəqiqədə Serxio Ramosla ikili mübarizədən sonra qarşısında qırmızı vərəqə görüb. Matçın baş hakimi Ardanın rəqibinə qarşı kobud oynadığını əsas gətirərək onu meydandan qovub. Belədə Dieqo Simeonenin komandası mübarizəni 10 nəfərlə davam etdirmək məcburiyyətində qalıb.
Qeyd edək ki, "Santyaqo Bernabeu"da keçirilən oyunda hələlik hesab açılmayıb. Bu komandalar arasında baş tutan ilk görüşdə də qapılara qol vurulmayıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
