banner
banner

Dünya

Albaniyanın yeni rəhbəri: 38 yaşlı xanım prezidentlə bağlı ilginc faktlar

Albaniyanın yeni rəhbəri:

Albaniyada 38 yaşlı Vyosa Osmani parlamentin səsverməsi ilə ölkənin yeni prezidenti seçilib.

o, seçkilərin üçüncü turunda parlamentin 120 üzvündən 71-nin səsini qazanaraq, prezident olub.
Osmani bundan əvvəlki prezident, hərbi cinayətdə ittiham olunan Haşim Taçinin noyabr ayında istefa verməsindən sonra bu vəzifəni müvəqqəti icra etməyə başlamışdı.

Albaniya prezidenti seçildikdən sonra Vyosa Osmani öz çıxışında Serbiya ilə dialoq qurmaq və münasibətləri normallaşdırmaq istədiyini bildirib.

Bununla yanaşı, Osmani Serbiyanın əvvəlcə üzr istəməli olduğunu və 1998-1999-cu illərdə törədilən müharibə cinayətlərinə görə məsuliyyət daşıyanları mühakimə etməsi lazım olduğunu deyib.
Xatırladaq ki, Albaniya 2008-ci ildə Serbiyadan birtərəfli olaraq ayrılaraq, öz müstəqilliyini elan edib.

Bəs Vyosa Osmani kimdir?

Vyosa Osmani 1982-ci il mayın 27-də Albaniyanın Mitrovitsa şəhərində anadan olub. İlk və orta təhsilini burada alan Osmani Priştina Universitetinin hüquq fakültəsini bitirib. Daha sonra isə ABŞ-ın Pitsburg Universitetində magistr və doktoranturaya daxil olub.

Gəncliyində Albaniya Demokratik Birliyinə qoşulan Osmani bu partiyadan millət vəkili seçilib. Bir qədər sonra isə parlamentin sədri vəzifəsində fəaliyyət göstərib.

Osmani beynəlxalq hüquq və iqtisadi hüquqa aid bir neçə kitab və məqalələrin müəllifidir.

Evlidir, iki uşağı olan Osmani ana dili ilə yanaşı türk, ingilis, ispan və serb dillərini mükəmməl bilir.



Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.