Sənna otu - qəbizliklə mübarizə aparır və arıqladır
Sənna otu həm keçmişdə, həm də müasir dövrdə ən təsirli təbii işlətmə vasitəsi sayılır.
Bu ot bağırsaqların fəaliyyətini gücləndirir və bunun nəticəsində qəbizliklə mübarizədə tez və effektli kömək edir.
Sənna otu bağırsaqlara yumşaq təsir edir və bu səbəbdən sənna əsasında olan preparatlarının pediatriyada istifadəsinə icazə verilir.
Sənna əsasən xroniki atonik qəbizlik, anus çatları və babasil zamanı işlətmə vasitəsi kimi istifadə olunur. Həmçinin sənna ödqovucu təsirinə malikdir.
Sənna otunun istifadəsi həmçinin artıq çəkidən azad olunmağa kömək edir. Məhz bu səbəbdən sənna bir çox arıqlamaq üçün olan təbii çayların tərkibinə daxil edilir.
Lakin nəzərinizə çatdıraq ki, sənna otu müalicəvi vasitədir və bu səbəbdən bu otdan yalnız qastroentoroloqla məsləhətləşdikdən sonra istifadə etmək olar. Bəzi mədə-bağırsaq sistemi xəstəlikləri və pozulmaları zamanı sənna otunun istifadəsinə icazə verilmir.
Hamiləlik zamanı da bu otdan çox ehtiyatla və yalnız ginekoloqla məsləhətləşdikdən sonra istifadə etmək olar. Bağırsaqların fəaliyyətinin artması uşaqlığa təsir edə bilər ki, uşaqlığ yığılmağa başlayacaq. Bu isə vaxtından tez doğuşa və uşaqsalmaya səbəb ola bilər.
Ev şəraitində sənna otu dəmləməsini hazırlamaq üçün 1 xörək qaşığı ot 1 stəkan qaynar suda dəmlənilir (termosda dəmləmək daha yaxşıdır), 3-4 saatdan sonra bir neçə dəfə yaxşı süzülür və axşam yatmazdan əvvəl kiçik qurtumlarla içilir. Dəmləmənin təsiri təxminən 6-8 saatdan sonra baş verir.
Sənna otu həm qəbizliklə mübarizə aparır, həm də bağırsaqları burada yığılan şlaklar, toksinlər, nəcis daşlarından əsaslı şəkildə təmizləyir.
Bütün digər otlar kimi sənna otu allergik reaksiyalara səbəb ola bilər.
Uzun müddət ərzində sənnanı qəbul edən insanlarda bu vasitəyə alışma yaranır ki, bunun nəticəsində bu ot orqanizmə artıq lazım olan təsir etmir. Bunu nəzərə alaraq sənna otunu digər işlətmə təsiri olan otlarla növbələşmək lazımdır.
Digər tərəfdən sənnanın uzun müddət ərzində qəbulu bağırsaqla qıcıqlandırıcı təsir edir və orqanizmdə vacib duzların azalmasına səbəb olur.
Sənna otu güclü vasitədir, bu səbəbdən onu həddən artıq miqdarlarda qəbul etmək olmaz - bu zəhərlənməyə səbəb ola bilər.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
