Mask rəqibi Bezosu sosial şəbəkədən yenə trolladı -FOTO
ABŞ məhkəməsi “Blue Origin” şirkətinin NASA-ya qarşı iddiasını rədd edib.
Şirkətin rəhbəri Ceff Bezos Milli Aeronavtika və Kosmos İdarəsinin Aya eniş modulunun hazırlanması üzrə tenderi rəqib “SpaceX” şirkətinə verməsindən narazı idi. Milyarder tenderin şərtlərinin pozulduğunu iddia edirdi.
“SpaceX”in baş direktoru İlon Mask bu qərarı “Twitter”də şərh edib. Dünyanın ən varlı adamları siyahısında birinci yeri tutan amerikalı sahibkar “Hakim Dredd” (“Judge Dredd”) filmindən fotonu paylaşıb. Şəklin üzərində “Sən mühakimə olundun!” (You have been judged!) yazısı dərc edilib.
Qeyd edək ki, bu, “SpaceX” rəhbərinin sosial mediada rəqibini ilk trollaması deyil: o, əvvəllər Ceff Bezosun “Amazon”un uğurlu şirkət olması haqqında statusuna cavab olaraq ona “Twitter”dən “gümüş medal” göndərmişdi.
Ceff Bezosun şirkəti bu işdə ikinci dəfə məğlub olur. Bundan əvvəl ABŞ Hesablama Palatası “Blue Origin” və “Dynetics” üçün tenderin nəticələrinə yenidən baxmaqdan imtina etmişdi.
“Blue Origin” avqust ayında məhkəməyə müraciət edib.
Qeyd edək ki, əvvəllər NASA-nın hər iki şirkətlə müqavilə bağlayacağı gözlənilirdi. Lakin ABŞ Konqresi kifayət qədər vəsait ayırmadığı üçün sövdələşmə yalnız İlon Maskın komandası ilə aparıldı.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
