Papua-Yeni Qvineyanın şərqində güclü zəlzələ meydana gəlib. Mayın 5-də Papua-Yeni Qvineyanın Yeni Britaniya adasında 7,5 bal gücündə zəlzələ baş verib. Bu barədə Amerika Geoloji Araşdırmalar Mərkəzi (USGS) xəbər yayıb. Xəbərdə bildirilir ki, yeraltı təkanların episentri paytaxt Port Moresbidən 680 km şiməl-şərqdə, ocağı isə 42 km dərinlikdə yerləşib. Dağıntılar və xəsarət alanlar barədə məlumat verilmir. Sakit okean Sunami Xəbərdarlıq Mərkəzi sunami təhlükəsinin olmadığını bildirib. Hansı ki, həmin bölgədə bir müddət əvvəl 6.7 bal gücündə zəlzələ meydana gəlmişdi. Qeyd edək ki, son həftələr Papua-Yeni Qvineyada ard-arda şiddətli təkanlar baş verməkdədir.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.