Fransanın cənubundakı Montredon şəhərindəki zooparkda 9 canavar qəfəsdən qaçıb.
Hadisə zooparkın ziyarətçilər üçün açıq olduğu günorta saatlarında baş verib.
Yırtıcılar qapalı vəziyyətdən qaça bilsələr də, zooparkdan çıxa bilməyiblər. Hadisə nəticəsində insanlardan xəsarət alan olmasa da, “təhlükəli davranış” səbəbindən dörd canavar güllələnib. Qalanları isə qəfəslərinə qaytarılıb.
Canavar sürüsü qaçdıqdan sonra təhlükəsizlik məsələləri həll olunana qədər zoopark müvəqqəti olaraq bağlanıb.
Qeyd edilir ki, zooparkın bağlanması ilk dəfə deyil. Ötən ilin oktyabrında Fransanın Ekologiya və Davamlı İnkişaf Nazirliyi “heyvanların rifahı və personalın təhlükəsizliyi” naminə onun işini müvəqqəti olaraq qadağan etmişdi, lakin bir neçə gün sonra məhkəmə bu qərarı ləğv etdi və zooparkın fəaliyyətini davam etdirməsinə icazə verdi.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.