Həkim uşaqları “influenza” virusundan qoruma yollarını açıqlayıb
Həkim-pediatr Telman Aytayev uşaqları “influenza” virusundan qoruma yollarını açıqlayıb.
Cia.az xəbər verir ki, həkim son vaxtlar uşaqlar arasında virusla xəstələnmə hallarının sayının artdığına diqqət çəkib.
Onun sözlərinə görə, xüsusilə məktəbyaşlılar arasında təmas çox olduğu üçün onların virusla yoluxması halına daha çox rast gəlinir: "Uşaqlar arasında yayılan infeksiya “influenza”nın A ştamıdır. Başqa adı ilə H1N1 virusu da adlandırılır. Bu virus, demək olar ki, hər il pandemik vəziyyət yaradır. Belə xəstələrdə infeksiya ilə əlaqədar 3-5 gün davam edən yüksək hərarət və öskürək normaldır. “İnfluenza” virusundan qorunmaq üçün ona qarşı vaksin olunmaq vacibdir".
Həkim-mütəxəssis bildirib ki, “İnfluenza” xəstəliyi azyaşlı uşaqlar və yaşlılar üçün daha çox təhlükə yaradır: "Xüsusən də yaşı beşdən aşağı olan körpələr, 60-dan yuxarı olan yaşlılar və xroniki xəstəliklərdən əziyyət çəkənlər “influenza”nın risk qrupuna aiddirlər. Ona görə də “influenza” virusundan qorunmaq üçün infeksiya əleyhinə peyvəndlənmək vacibdir. Peyvəndləmə nəticəsində “influenza” virusundan 60-70 faiz qorunmaq mümkündür.
Onu da qeyd edim ki, həmin virusu yeni növ koronavirus (COVID-19) infeksiyasından fərqləndirmək çətindir. Lakin nəzərə almaq lazımdır ki, qrip əlamətlərinə “influenza”da daha çox, koronavirusda isə daha az rast gəlinir. Həmin virusdan qorunmaq üçün profilaktik tədbirlər önəmlidir. Peyvənd vurdurmaqdan başqa, tibbi maska taxmaq, sağlam və vitaminli qidalar qəbul etmək lazımdır. Bu cür şəxsi gigiyena qaydalarına əməl etməklə istənilən virusdan müəyyən qədər də olsa, qorunmaq mümkündür. Valideynlərə tövsiyə edilir ki, övladlarını ümumiyyətlə vacib olan bütün peyvəndlərlə təmin etsinlər”.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
