Pakistanın Kəraçi şəhərində bir qrup silahlının avtobusa hücumu nəticəsində azı 43 nəfər həlak olub. Kəraçi polisinin məlumatına görə, 6 nəfər silahlı şəxs şiə zəvvarlarını aparan avtobusa daxil olaraq atəş açmağa başlayıb. Hadisə nəticəsində 20 nəfərin yaralandığı bildirilir. Yerli polis hadisənin hansı qruplaşma tərəfindən həyata keçirildiyini araşdırır. Silahlılar atəş açdıqdan sonra motosikletlərlə hadisə yerindən uzaqlaşıblar. İlkin ehtimallara görə, hadisə Taliban qruplaşmasının Pakistan ərazisində fəaliyyət göstərən qolu tərəfindən həyata keçirilib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
