Türkiyənin "Qalatasaray" klubu alman ulduzu transfer etmək istəyir. Klub prezidentinin köməkçisi Dursun Özbək Lukas Podolski ilə görüşüb. Mövsümün sonununda liqada çempion olmağı hədəfləyən İstanbul təmsilçisi bu transferlə Avropa mətbuatının gündəminə düşə bilər. Hazırda icarə əsasında "İnter" forması geyən alman ulduzun müqaviləsi "Arsenal"la olduğu üçün "Qalatasaray" ingilislərlə danışıqlar aparacaq. Klubun sabiq məşqçisi Çesare Prandelli ilə maliyyə məsələlərini həll etmək üçün İtaliyaya gedən D. Özbek orada Podolski və meneceri ilə danışıqlar aparıb. Qeyd edək ki, mövsümə "Arsenal"da başlayan Podolski Çempionlar Liqası D qrupunda "Qalatasaray"la İstanbulda qarşılaşmışdı. Həmin oyunda futbolçu 2 qol vurmuşdu. 29 yaşlı alman futbolçu "İnter"də forma geydiyi 16 matçda cəmi 1 dəfə fərqlənib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
