Alimlər gül efir yağının insan beyninə təsirini araşdıran maraqlı tədqiqatın nəticələrini açıqlayıblar.
Araşdırmaya görə, 30 gün ərzində müntəzəm şəkildə gül yağı qoxusuna məruz qalan şəxslərdə beyin quruluşunda fiziki dəyişikliklər müşahidə olunub.
Tədqiqat MRT müayinələri ilə dəstəklənib. Nəticələr göstərib ki, bir ay ərzində gül ətirli mühitdə olan və ya bu qoxunu gündəlik hiss edən iştirakçıların beynində boz maddənin həcmində artım qeydə alınıb. Mütəxəssislər bildirirlər ki, qoxu molekulları birbaşa beynin yaddaş və emosiyalara cavabdeh olan limbik sisteminə təsir göstərir.
Araşdırmada xüsusilə beynin "arxa sinqulyar korteks" adlanan hissəsinin aktivləşdiyi qeyd olunur. Bu bölgənin stimullaşdırılması neyroplastikliyi - yəni beynin özünü yeniləmə və uyğunlaşma qabiliyyətini artırır. Boz maddədəki artım isə daha güclü yaddaş, daha sürətli öyrənmə və emosional sabitliklə əlaqələndirilir.
Mütəxəssislər hesab edirlər ki, gül yağı stressin azaldılmasına və idrak sağlamlığının qorunmasına da kömək edə bilər. Onların fikrincə, qoxu terapiyasından istifadə etmək beyin sağlamlığını dəstəkləmək üçün sadə və əlçatan üsullardan biri ola bilər.//Milli.Az
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.
İsti günlərdə sərinləmək üçün restoranlarda içkilərimizə bol-bol buz əlavə edilməsini istəyirik. Lakin bəzi mütəxəssislər bunun yanlış bir davranış olduğunu bildirir. Mütəxəssislərin açıqlamalarına görə, restoranlarda buzdan imtina etmək üçün çox ciddi və məntiqli səbəblər var.
Əgər siz gecənin bir yarısı oyanırsınızsa, saata baxmaq və ya mesajları yoxlamaq, sosial şəbəkələrə nəzər yetirmək üçün telefonunuza əl atmayın. Demək olar ki, hamı bu cür "mini sörfinq"in nəticələrinə əhəmiyyət vermir...
