FİFA-dan cavab gəldi: Pavel millimizdə oynaya bilər
Ukraynanın "Metallurq” (Zaporojye) klubunun müdafiəçisi, əslən azərbaycanlı olan Pavel Paşayev AFFA-ya müraciət edərək Azərbaycan millisində oynamaq istədiyini qeyd etmişdi, bununla əlaqədar AFFA-nın sorğusuna cavab olaraq Ukrayna Futbol Federasiyası bildirmişdi ki, o, bu ölkənin aşağı yaş qruplarından ibarət yığmalarında çıxış etsə də, əsas komandada oynamayıb. AFFA onun müvafiq qaydalara uyğun olaraq millimizdə çıxış etməsinə razılıq vermək üçün FIFA-ya müraciət ünvanlamışdı. Artıq FIFA müraciəti cavablandırıb. FIFA-nın Oyunçuların Statusu Komitəsinin AFFA-ya ünvanladığı məktubda bildirilir ki, assosiasiyanı dəyişməklə bağlı AFFA və Pavel Paşayevin FIFA-ya müraciəti təmin olunsun və futbolçu qərarı aldığı tarixdən etibarən Azərbaycan milli komandasında oynamaq hüququna sahibdir.
Xatırladaq ki, 27 yaşlı Pavel Paşayev Ukraynada doğulsa da, atası Vaqif azərbaycanlıdır. O, 6 il əvvəl Ukrayna millisi ilə Slovakiya və Serbiya yığmalarına qarşı oynasa da, bunlar qeyri-rəsmi görüşlər olub. Pavel cari mövsüm Ukrayna çempionatında 22 oyun keçirib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
