Şəkər əlavə edilmiş içkilər ürək xəstəlikləri riskini artırır, lakin bəzi içkilər əksinə ürəyi qoruya bilər. Bu siyahıda birinci yerdə yaşıl çay dayanır. Qara və bitki çayları da faydalı maddələr ehtiva etsə də, ürək sağlamlığı ilə bağlı ən çox elmi tədqiqat yaşıl çay üzərində aparılıb.
Məlumata görə, təxminən 800 min insanın qidalanma vərdişləri araşdırılıb və nəticədə gündə 3 stəkan yaşıl çay içənlərin ürək xəstəlikləri riskinin 15 faiz daha aşağı olduğu müəyyən edilib.
Niyə yaşıl çay ürəyi qoruya bilər?
Damar sağlamlığını dəstəkləyir
Yaşıl çayın müntəzəm qəbulu qan təzyiqini aşağı sala və hipertoniya riskini azalda bilər. Bu təsir onun tərkibindəki katexinlər, xüsusilə epigallokatexin qallat (EGCG) ilə əlaqələndirilir.
Diyetoloq Talia Folladorun sözlərinə görə, EGCG damarların rahatlamasına və iltihabın azalmasına kömək edir, bu da qan dövranını yaxşılaşdırır və ürək-damar xəstəlikləri riskini azaldır.
Xolesterinə müsbət təsir göstərir
Yaşıl çay “pis” xolesterinin (LDL) azalmasına və “yaxşı” xolesterinin (HDL) artmasına kömək edə bilər.
Qeyd olunur ki, katexinlər lipidlərin sintezində iştirak edən fermentləri zəiflədir və bağırsaqlarda yağların sorulmasını azaldır.
Güclü antioksidant təsirə malikdir
Yaşıl çay antioksidantlarla zəngindir və orqanizmdə oksidləşdirici stressi azaldır. Bu isə ürək-damar sistemini zədələyən sərbəst radikallara qarşı qoruyucu təsir göstərir.
Mütəxəssislərə görə, katexinlər ağır metalların zərərli təsirini azaldır və oksidləşdirici reaksiyaların qarşısını alır.
Bağırsaq sağlamlığını yaxşılaşdırır
Yeni araşdırmalar göstərir ki, yaşıl çayın ürəyə faydası bağırsaqlardan başlaya bilər. Bağırsaq baryerinin güclənməsi və qandakı endotoksinlərin azalması ürək xəstəlikləri riskini aşağı sala bilər.
Endotoksinlərin yüksək olması piylənmə, insulin müqaviməti və lipid pozğunluğu kimi problemlərlə əlaqələndirilir ki, bunlar da ürək xəstəlikləri üçün risk faktorlarıdır.//Demokrat.az
Bir fincan südlü və ya yaşıl çay enerji versə də, bütün çaylar canlandırıcı təsirə malik deyil. Diyetoloq İqor Strokov insanı dəqiqələr içində yuxuya aparan sadə bir çay növü haqqında məlumat verib.
Sağalmaq üçün qəbul etdiyimiz dərmanların bədənimizdə uzunmüddətli iz buraxa biləcəyi ilə bağlı yeni araşdırma aparılıb. Məlum olub ki, bəzi geniş istifadə olunan dərmanlar bağırsaq mikrobiomunu illərlə dəyişdirə bilər.
Alimlər müəyyən ediblər ki, vegetarian qidalanma (ətdən imtina) bəzi xərçəng növlərinin yaranma riskini azalda bilər. Lakin bu qidalanma formasının müəyyən mənfi tərəfləri də mövcuddur.
“Elektron Resept Sistemində reseptlərin saxtalaşdırılması riskinin minimuma endirilməsi məqsədilə çoxsəviyyəli təhlükəsizlik və nəzarət mexanizmləri tətbiq olunur”.
Xərçəng hüceyrələri hər gün bədənimizdə yaranır, lakin güclü immun sistemi onların böyüməsinə imkan vermir. Müdafiə mexanizmi zəiflədikdə isə xəstəlik üçün münbit şərait yaranır.
Yaşıl soğan (göy soğan) həm qida, həm də sağlamlıq baxımından olduqca faydalı tərəvəzlərdən biridir. Hər mövsüm tapa biləcəyiniz bu tərəvəzi qida rasiyonunuza mütləq əlavə etməlisiniz.
Diş sağlamlığı ilə bağlı gözardı edilən məqamlar yenidən diqqət mərkəzinə düşüb. Həkimlər gündəlik qidalanmanın təsirini xatırladır, bəzi məhsulların isə dişlər üçün ciddi təhlükə yaratdığını deyir.
Mədə yanması və qıcqırma çox vaxt qidaların tərkibindən deyil, onların qəbulu zamanı yol verilən vərdişlərdən qaynaqlanır. Qastroenteroloq Aleksandra Metelina bildirib ki, ən geniş yayılmış yanlışlıqlardan biri yemək yeyərkən eyni zamanda çay içməkdir.
Həkimin sözlərinə görə, qidanı fasilə vermədən maye ilə qəbul etmək mədəyə artıq havanın daxil olmasına şərait yaradır. Bu isə sonradan gəyirmə, yanğı və narahatlıq hissi ilə nəticələnir. Eyni hal yeməyi çox sürətlə yeyən insanlarda da müşahidə olunur. Sürətli qidalanma zamanı udulan hava həzm prosesini çətinləşdirir və sanki keyfiyyətsiz qida yeyilmiş təəssüratı yaradır.
Orqanizm üçün həyati əhəmiyyət kəsb edən vitamin D-nin həddindən artıq qəbulu ciddi sağlamlıq problemlərinə yol aça bilər. Elm adamları qida əlavələrinin populyarlaşması ilə dozanın aşılması hallarının kəskin artdığını bildirirlər.
Yaz fəslində təbiətin oyanması ilə birlikdə müxtəlif təzə göyərtilər də süfrəmizə daxil olur. Bu göyərtilər yalnız dad baxımından deyil, həm də sağlamlıq üçün olduqca faydalıdır.
