Bankomatdan istifadə zamanı kartın cihaz tərəfindən udulması ən çox rast gəlinən problemlərdən biridir. Mütəxəssislər belə hallarda vətəndaşların panikaya düşməməli olduğunu bildirirlər.
Texniki nasazlıq və ya şifrənin bir neçə dəfə səhv daxil edilməsi səbəbindən kart cihazda qala bilər. Bu zaman ATM-yə fiziki müdaxilə etmək qətiyyən olmaz.
Mütəxəssislər xəbərdarlıq edir ki, kartı açar, maqqaş və ya başqa əşyalarla çıxarmağa çalışmaq həm karta, həm də bankomata ciddi zərər verə bilər.
Kart cihazda qaldıqda ilk addım ATM-nin qarşısından uzaqlaşmamaqdır. Bir neçə dəqiqə gözləyərək ekranda görünən bildirişləri diqqətlə izləmək tövsiyə olunur.
Əməliyyatın tam başa çatdığına əmin olduqdan sonra dərhal bankın müştəri xidməti ilə əlaqə saxlamaq lazımdır.
Əgər ATM bank filialının qarşısındadırsa, həmin filialın əməkdaşlarına məlumat verilməsi tövsiyə edilir. Bildirilir ki, cihaz tərəfindən saxlanılan kartlar yalnız texniki yoxlamadan sonra müştəriyə geri qaytarılır.
Mütəxəssislər təhlükəsizlik məsələsinə də xüsusi diqqət çəkirlər. Qeyd olunur ki, kartın şifrəsi və digər şəxsi məlumatlar heç kimlə paylaşılmamalıdır.
Əgər ATM təhlükəli və ya nəzarətsiz ərazidə yerləşirsə, ən doğru addım bankla əlaqə saxlayaraq kartı dərhal bloklatdırmaqdır.
Bundan əlavə, bəzi hallarda ATM pulu verməsə də, məbləğ hesabdan çıxıla bilər. Belə vəziyyətdə əməliyyatın vaxtını və ATM-nin kodunu qeyd edib banka rəsmi müraciət etmək tövsiyə olunur.//Demokrat.az
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
