“Ziraət” Türkiyə kuboku çərçivəsində keçirilən qarşılaşmada “Fənərbəxça”nın “Bursaspor”a biabırçı hesabla məğlub olması fənərliləri özündən çıxarıb. Cia.az-ın “İHA”ya istinadən verdiyi məlumata görə, sonuncu qoldan sonra tribunada olan bir qrup “Fənərbaxça” azarkeşi şüarlar səsləndirərək rəhbərliyi istefaya çağırıb. Qarşılaşma başa çatdıqdan sonra stadionun çıxışında da etirazlar davam edib. Yenə bir qrup fənərli azarkeş “Diktator istefa” şüarları ilə “Fənərbaxça”nın direktoru Əziz Yıldırımı istefaya çağırıblar. Başqa bir qrupun “istefaçı” azarkeşlərə etiraz etməsi isə gərginliyə səbəb olub. Polisin müdaxiləsi ilə qruplar bir-birlərindən ayrılaraq dağılışıblar.
Qeyd edək ki, “Fənərbaxça” – “Bursaspor” qarşılaşması 0-3 hesabla birincilərin məğlubiyyəti ilə başa çatıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
