Ağcabədidə 19 bıçaq zərbəsi alan 7 yaşlı uşağın son vəziyyəti açıqlandı
Bu ilin fevral ayında Ağcabədidə bıçaqlanan 7 yaşlı uşağın son vəziyyəti ilə bağlı məlumat açıqlanıb.
Cia.az xəbər verir ki, "Azərbaycan Uşaq Qaynar Xətt Xidməti"nin yaydığı məlumata əsasən, iyulun 3-də quruma daxil olan müraciət əsasında bıçaqlanma nəticəsində ağır xəsarətlər almış 7 yaşlı uşağın reabilitasiya prosesinə dəstək göstərilib.
Məlumatda bildirilir ki, ailə müraciətində uşağın aldığı ağır xəsarətlərdən sonra əməliyyat olunduğunu, lakin sosial həssas təbəqəyə aid olduqları üçün övladlarının davamlı müalicə və reabilitasiya xərclərini qarşılamaqda çətinlik çəkdiklərini qeyd edib.
Yönləndirmə və qurumlararası əməkdaşlıq nəticəsində Ailə, Qadın və Uşaq Problemləri üzrə Dövlət Komitəsi və Yeni Klinikanın dəstəyi ilə uşaq rayondan Bakıya gətirilib. O, bir ay müddətində Yeni Klinikanın Fizioterapiya şöbəsində reabilitoloq-fizioterapevt Dr. Pərvin Əkbərovun nəzarəti altında ödənişsiz reabilitasiya xidmətindən yararlanıb.
Hazırda uşağın reabilitasiya prosesi davam edir. Növbəti iki ay ərzində ailənin Bakıda qalması, uşağın müalicə və reabilitasiya prosesinin davam etdirilməsi nəzərdə tutulur.
Xatırladaq ki, hadisə zamanı 7 yaşlı uşağa 19 bıçaq zərbəsi vurulduğu məlum olmuşdu. Əməli törətməkdə şübhəli bilinən yetkinlik yaşına çatmayan bir nəfər saxlanılıb.
Xəbər verdiyimiz kimi, iyulun 30-da paytaxtın Xətai rayonunda yerləşən “Amay” Ticarət Mərkəzinin dayanacaq hissəsində "Seaside estate" şirkətinin rəhbəri 1991-ci il təvəllüdlü Orxan Yusubov qətlə yetirilib.
Bakıda "İdrak" liseyinin riyaziyyat müəllimi Şəhla Kamilovaya qarşı silahlı hücum törətməkdə təqsirləndirilən məktəblinin cinayət işi üzrə məhkəmə araşdırması sabah – iyulun 24-də Bakı Ağır Cinayətlər Məhkəməsində davam etdiriləcək. Cia.az xəbər verir ki, işə hakim Vüqar Quliyevin sədrliyi ilə baxılır.
Qaradağ Rayon Məhkəməsində elektron məlumat daşıyıcılarından və informasiya texnologiyalarından istifadə edilməklə törədilmiş oğurluq cinayəti ilə bağlı cinayət işi üzrə hökm elan olunub.
Abşeron Rayon Məhkəməsində qəsdən sağlamlığa yüngül zərər vurmada təqsirləndirilən Aqil Əmirovun (adı, soyadı şərtidir) cinayət işi üzrə məhkəmə istintaqı yekunlaşıb.
2025-ci ildə baş verən yol-nəqliyyat hadisəsinə görə ötən ay 5 il 2 ay müddətinə azadlıqdan məhrum edilən tiktoker İlduzə Hacıyevanın məlum qəzası ilə bağlı bir sıra maraqlı detallar üzə çıxıb.
