Saçların, dərinin sağlamlığı və gözəlliyi üçün bir çox sabun və yuyucu vasitələr təklif olunur.
Mütəxəssislər isə hər zaman bitki tərkibli sabunların dəri üçün daha faydalı olduğunu bildirirlər. Çünki bitki tərkibli sabunlar şəfalı tərkibi sayəsində saç və dəridə əmələ gələn problemləri tənzimləməkdə böyük rol oynayırlar.
Bu faydalı sabunlardan biri də kükürdlü sabundur. Quruducu, antiseptik və antibakteriyal xüsusiyyətləri sayəsində, dəridə sızanaq və qara nöqtələrin əmələ gəlməsinə səbəb olan yağlanmanı azaldır və zərərli mikroorqanizmlərin əmələ gəlməsinin qarşısını alır. Dəri tipiniz yağlı və sızanaq yaranmasına meyllidirsə, dəri təmizliyində kükürdlü sabundan istifadə edərək, bu problemdən canınızı qurtara bilərsiniz.
Kükürdlü sabun dəridə təbii pilinq təsiri yaradaraq, dəri altında qalmış sızanaqları dəri səthinə çıxarmadan qurudur, dəridəki qara nöqtələri azaldır.
Kükürdlü sabun yağlı saçların müalicəsi üçün də olduqca faydalıdır. Saçlarınız çox tez yağlanırsa, kükürdlü sabundan istifadə edərək bu xoşagəlməz vəziyyətin qarşısını ala bilərsiniz. Ancaq çox tez-tez istifadə də məsləhət görülmür. Belə ki, sabun saç diblərini qurudaraq, kəpəklənməsinə gətirib çıxara bilər. Odur ki, həftədə ən çox 2 dəfə istifadə etmək olar.
Kükürdlü sabundan qurudərili xanımlar və bəylər istifadə edə bilməz. Çünki quru dəri yağ əmici xüsusiyyəti sayəsində onsuz da quru olur. Kükürdlü sabun isə dərini daha da qurudur.
Kükürdlü sabunun qiyməti
Kükürdlü sabunun qiyməti 2 manat ilə 10 manat arasında dəyişir. Kosmetik marketlərdə və apteklərdə satılan qablaşdırılmış məhsullar bir qədər daha bahalıdır.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.