|
“Neftçi” daim çempionluq və kubok uğrunda oynayan komandadır. Bu mövsüm Azərbaycan çempionu olmasaq da, minimum vəzifəni yerinə yetirib Avroliqaya vəsiqə qazandıq". Cia.az-ın məlumatına görə, bu sözləri "Neftçi"nin baş məşqçisi Arif Əsədov Azərbaycan kubokun finalında "Qarabağ"la oyun öncəsi jurnalistlərə deyib. O, Ağdam klubuna qalib gəlməyə çalışacaqlarını söyləyib: "Rəqibimiz çempiondur, amma mən komandama inanıram". O, "Qarabağ"la oyun üçün heyəti müəyyənləşdirdiyini bildirib: "Düzdür, bəzi problemlər var. Buna baxmayaraq, heyəti müəyyənləşdirmişik". A.Əsədov onu da qeyd edib ki, "Qarabağ"ın Azərbaycan Premyer Liqasının qalibi olması komandada heç bir gərginlik yaratmayacaq: "İstəyirik ki, "Qarabağ"la oyunlarımızdakı uğursuzluq sindromunu qıraq və qalib gələk". Cia.az
|
