"Hədəf Bakıda tarix yazmaqdır". Bunu Bakıda keçiriləcək I Avropa Oyunlarında iştirak edəcək Türkiyənin güləş üzrə yığmasının baş məşqçisi deyib.
Sərbəst güləş üzrə millinin rəhbəri Necmi Gençalp Avropa Oyunları hazırlıqlarının sürətlə davam etdiyini bildirib. Ümumilikdə Bakıya 24 türk güləşçi gələcək.
Milli iyunun 15-dək Ankarada məşq keçəndən sonra Bakıya gələcək.
"Azərbaycandakı qardaşlarımız da bizi dəstəkləyəcəklər. Bu bizim üçün xüsusi bir motivasiyadır. Öz ökəmizdəki kimi güləşəcəyik. Xalqın gözləntisinin böyük olduğunun fərqindəyik".
Baş məşqçi əsas rəqib kimi Rusiya, Ukrayna, Azərbaycan və Gürcüstanın adını çəkib. "Bu ölkələr çox yaxşı hazırlaşırlar. Hər ölkə özünə görə güclüdür və mindərə qalib olmaq üçün çıxır. Bakıdan alnıaçıq dönəcəyik. Hədəf tarix yazmaqdır".
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
