Argentinalı futbolçu Dieqo Maradona FİFA prezidentliyinə namizədliyini verəcək.
Cia.az-ın məlumatına görə, bu barədə uruqvaylı jurnalist Victor Morales bildirib.
Maradona dəfələrlə keçmiş FİFA prezidenti Joze Blatteri korrupsiya və səriştəsizlikdə günahlandırıb və təşkilatda köklü islahatlar aparılmasına üstünlük verir.
Ümumiyyətlə, bunadək FİFA prezidentliyinə 5 nəfərin namizədliyi verilib. Bunlar Fransa millisinin keçmiş üzvü David Jinola, braziliyalı keçmiş futbolçu Artur Ziko, Cənubi Koreya Futbol Assosiasiyasının keçmiş prezidenti Çon Moncun, İordaniya şahzadəsi Əli bin Əl-Hüseyn və Liberiya Futbol Assosiasiyasının prezidenti Musa Bilitidir.
Xatırladaq ki, J.Blatter bu ilin mayında 5-ci dəfə FİFA-ya prezident seçilsə də iyunun 2-də istefa verib. Bu FİFA-nın Sürixdəki ofisinə polis reydi və təşkilatın bir neçə keçmiş və indiki məsul işçilərinin habsindən 2 gün sonra baş verib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
