Böyük Britaniyanın yayım şirkəti BBC xərclərin azaldılması proqramı çərçivəsində ümumilikdə mindən çox iş yerini ixtisar edəcək. Bu barədə şirkətin rəhbəri Toni Holl deyib.
T.Holl kollektivlə görüşdə bildirib ki, ixtisarlar şirkətin üzləşdiyi maliyyə problemlərini həll etməyə kömək edəcək.
Onun sözlərinə görə, yeni ixtisarlar “menecmentin bütün təbəqələrini”, həmçinin şirkətin texniki və dəstək xidməti əməkdaşlarını əhatə edəcək. İxtisarlar eyni işi görən əməkdaşların fəaliyyətlərinin dayandırılmasına yönəlib və şirkətə 50 milyon funt-sterlinq gətirəcək. BBC rəhbərliyi həmçinin qeyd edib ki, bundan sonra da ixtisarlar olacaq.
Aparılacaq ixtisarların başlıca səbəbi Britaniyada televiziya siqnalının qəbuluna görə ödənişlərin 2016-cı ilə qədər dondurulmasının BBC büdcəsinə birbaşa təsir göstərməsidir. Şirkət 2017-ci ilədək 1,5 milyard funt-sterlinq məbləğində vəsaitə qənaət etməyi qarşısına məqsəd qoyub.
Qeyd edək ki, Böyük Britaniyada evlərində və ofislərində televizor olan hər bir fiziki və hüquqi şəxs televiziya lisenziyası əldə etməlidir. Fiziki şəxs üçün illik lisenziyanın qiyməti rəngli televizor sahibləri üçün 145,5 funt-sterlinq, ağ-qara televizor sahibləri üçün isə 49 funt sterlinq təşkil edir.
Xatırladaq ki, Böyük Britaniya və xaricdə 5 min olmaqla, hazırda BBC-nin ştatında 8 min jurnalist fəaliyyət göstərir.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
