UEFA-nın reytinq siyahısı açıqlanıb. Cia.az xəbər verir ki, avrokubokların I təsnifat mərhələsinin ilk oyunlarından sonra cədvəldə müəyyən dəyişikliklər baş verməyib.
Dünən Avroliqada oynayan klublarımızdan “Neftçi” və “İnter”in heç-heçəsi hesabımıza 0.125 xal gətirib.
Nəticədə son 5 mövsümə əsasən hesablanan əmsalımız 10,750-yə yüksəlib. Lakin bu artım heç də xeyrimizə olmayıb. Təmsilçiləri daha uğurlu çıxış edən Serbiya xal hesabında Azərbaycana çatıb. Ölkəmiz kimi hesabında 10,750 xal olan balkanlılar cari mövsümdə daha yaxşı çıxış etdiyindən 28-ci yeri də Azərbaycandan alıb. O qədər də uğurlu alınmayan start 1 pillə geriləməklə nəticələnib.
Qeyd edək ki, siyahıya İspaniya (84,070), Almaniya (65,463) və İngiltərə (63,659) başçılıq edir.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.