Sabah Çilidə keçirilən futbol üzrə Amerika Kubokunda çempionun adına aydınlıq gələcək. 4 ildən bir keçirilən turnirin finalında son dünya çempionatının gümüş mükafatçısı Argentina və ev sahibi Çili yığmaları üz-üzə gələcək. Maraqlı məqam orasındadır ki, hər iki komanda bu görüşə qədər keçirdiyi 5 qarşılaşmada 4 qələbə qazanıb, 1 dəfə heç-heç edib. Sadəcə olaraq top nisbətində Peru millisi Argentinanı üstələyir. Belə ki, Argentina 11 dəfə rəqib qapılarına yol tapsa da 3 dəfə topu öz qapısından çıxarmalı olub. Perunun top nisbəti isə 13:4-dü. Çilidə keçirilən sayca 44-cü Amerika Kubokunun final görüşü iyulun 5-i, saat 01:00-da başlayacaq. 1916-ci ildən keçirilən Amerika Kubokunda ən çox sevinən tərəf (15 dəfə) Uruqvay yığması olub. Turnirin son kubokunu da (2011-ci il) elə Uruqvay komandası qazanıb. Finala vəsiqə qazanmış Argentinanın aktivində 14 çempionluq var. Onun finaldakı rəqibi, qitə çempionatına ev sahibliyi edən Çili isə tarixi boyunca bu kuboku bir dəfə də olsun qazanmayıb. Final görüşünün gərgin mübarizə şəraitində keçəcəyini indidən söyləmək olar. ArgentinaAmerika kubokuna sahib çıxmaqla Uruqvayla çempionluq sayını eyniləşdirə bilər. Çili isə ilk dəfə vəsiqə qazandığı finalı əldən vermək istəməyəcək.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
