Suriya ilə Türkiyə sərhəddində türk əsgərinin ölümü ilə nəticələnən ağır yol nəqliyyat hadisəsi baş verib. Hadisə Şanlıurfa vilayətinin Suriya ilə sərhəddəki Akçakale rayonunda baş verib. Akçakale sərhəd xəttində reyd keçirən Türkiyə ordusuna aid hərbi avtomobil Öncül məhəlləsində aşıb. Qəza zamanı avtomobildə olan Çavuş Gökhan Poyraz və siravi əsgərlər Faiq Yüce ilə Yusif İslam Meral yaralanıb. Xəstəxanaya çatdırılan Faiq Yücenin həyatını xilas etmək mümkün olmayıb. Dünyasını dəyişən əsgər Faik Yücenin Siirt vilayəti Şirvan rayonu sakini olduğu bildirilir.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
