Avropa Liqasının I təsnifat mərhələsini uğurla adlayan "İnter" və "Qəbələ" klublarının növbəti mərhələdəki rəqibləri bu gecə müəyyənləşir.
"Qəbələ" "Çukariçki" (Serbiya) - "Domjale" (Sloveniya), "İnter" isə “Hafnarfyordur" (İslandiya) - SJK (Finlandiya) cütünün qalibi ilə qarşılaşacaqdı.
Artıq "Qəbələ"nin rəqibi bəlli olub. Sloveniyada baş tutan ilk görüşdə 1:0 hesabı ilə qalib gələn "Çukariçki" klubu cavab görüşündə rəqibi ilə 0:0 bərabərə qalıb. Bu nəticə Serbiya klubunu növbəti mərhələyə yüksəldib. Bu isə o deməkdir ki, "Qəbələ" ikinci təsnifat mərhələsində məhz "Çukariçki" klubu ilə qarşılaşacaq.
Finlandiyada keçirilən ilk oyunda da qonaq komanda - "Hafnarfyordur" minimal hesablı qələbə qazanıb - 1:0. İslandiyada keçiriləcək oyundan sonra "İnter"in rəqibi müəyyənləşəcək.
Qeyd edək ki, "İnter" I təsnifat mərhələsində Albaniyanın "Laçi", "Qəbələ" isə Gürcüstanın "Dinamo" klubunu mübarizədən kənarlaşdırıb. Digər təmsilçimiz "Neftçi" isə "Mladost" səddini keçə bilməyib və Avropa Liqasında mübarizəni dayandırıb.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
