|
Avropa Liqasının II təsnifat mərhələsinin ilk oyununda bu gün səfərdə “Çukariçki” ilə qarşılaşacaq “Qəbələ”nin sabiq futbolçusu Milan Antiç “qırmızı-qaralar”ın düşərgəsinə baş çəkib. Serbiyalı futbolçu "Çukariçki" ilə oyunda "Qəbələ"yə azarkeşlik edəcəyini bildirib: “Bu qarşılaşma mənim üçün çox maraqlı olacaq. Çünki komandaların sisteminə nəzər salsaq, hər iki klub ölkəsinin ən yaxşılarındandır. Hazırda “Çukariçki” “Partizan” və “Srvena Zvezda”dan daha yaxşı vəziyyətdədir. “Qəbələ” ilk oyunda qol vursa, növbəti mərhələyə yüksəlmək şansları böyük olacaq. Mən də daha çox sabiq komandamın mərhələ keçməsini istəyirəm. “Qəbələ”yə azarkeşlik edəcəyəm. Vaxtilə bu komandada çıxış etmişəm. Düşünürəm ki, “Qəbələ” Avropa Liqasının qrup mərhələsinə yüksələ bilər”. Cia.az
|


