Türkiyə Böyük Milli Məclisinin deputatları Xalqların Demokratik Partiyasının (HDP) ölkədə son hadisələrlə bağlı parlament komissiyasının yaradılmasına dair sorğusunu rədd edib.
APA-nın “Anadolu” agentliyinə istinadən verdiyi məlumata, müvafiq səsvermə HDP -nin təşəbbüsü ilə çağırılan parlamentin fövqəladə iclasında baş tutub.
Partiya terror aktlarının sayının artması səbəblərini araşdırmaq üçün komissiyanın yaradılmasını təklif edib. Xatırladaq ki, HDP parlamentin fövqəladə iclasının çağırılması üçün sorğunu İyulun 23-də göndərmişdi.
Publika.az isə Türkiyə mediasına istinadən xəbər verir ki, TBMM-də hökumət adından çıxış edən baş nazirin köməkçisi Bülənt Srınçın ardından kürsüyə çıxan HDP-li millət vəkili Osman Baydemirin açıqlaması qalmaqala səbəb olub.
“Bizim millət vəkillərimiz gerillaya (PKK terrorçularını nəzərdə tutur-red.) qurban olsun” deyən HDP-li deputat sərt reaksiya ilə qarşılaşıb.
Lakin o çıxışına davam edərək sözlərini təkrarlayıb: “Mənim və bütün millət vəkillərinin vəkillikləri bir əsgərin, polisin, gerilla (PKK) və sivilin canına qurban olsun”.
Bundan sonra TBMM-də gərginlik daha da artıb. O isə “baş nazir və prezidentin çıxışları sülhə sui-qəsd etməkdir. Gəlin savaş kimdən gəlirsə gəlsin, dur deyək”, - deyə bildirib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
