Çempionlar Liqası:pley-off mərhələsinin püşkü atılır

İdman

Çempionlar Liqası: pley-off mərhələsinin püşkü atılır

07.08.2015 - 08:35

Bu gün Çempionlar Liqasında pley-off mərhələsinin püşkü atılacaq.

Cia.Az-ın məlumatına görə, İsveçrənin Nyon şəhərində keçiriləcək tədbir Bakı vaxtı ilə saat 15:00-da başlayacaq.

Püşkatma mərasimdə 20 komanda iştirak edəcək. Bunlardan 5-i – "Valensiya" (İspaniya), "Mançester Yunayted" (İngiltərə), "Bayer" (Leverkuzen, Almaniya), "Latsio" (İtaliya), "Sportinq" (Portuqaliya) mübarizəyə birbaşa pley-off mərhələsindən başlayacaq. Qalan 15 komanda isə III təsnifat mərhələsinin qalibləri olacaq.

Təəssüf ki, bu mərhələdə Azərbaycan təmsilçisi iştirak etməyəcək. Çempionlar Liqasının III təsnifat mərhələsində iki oyunun nəticəsinə görə "Seltik"ə uduzan "Qarabağ" mübarizəni Avropa Liqasının pley-off mərhələsində davam etdirəcək.

Qeyd edək ki, Çempionlar Liqasında pley-off mərhələsinin ilk oyunları 18/19 avqust, cavab qarşılaşmaları isə 25/26 avqust tarixlərində keçiriləcək.

Çempionlar:

Səpələnmişlər: "Bazel" (İsveçrə), "Seltik" (Şotlandiya), APOEL (Kipr), BATE (Belarus), "Dinamo" (Xorvatiya)

Səpələnməmişlər: “Makkabi” (Təl-Əviv, İsrail), "Partizan" (Serbiya), "Malmö" (İsveç), "Skenderbeu" (Albaniya), "Astana" (Qazaxıstan)

Qeyri çempionlar:

Səpələnmişlər: "Mançester Yunayted" (İngiltərə), "Valensiya" (İspaniya), "Bayer" (Leverkuzen, Almaniya), "Şaxtyor" (Donetsk, Ukrayna), "Sportinq" (Portuqaliya)

Səpələnməmişlər: CSKA (Moskva, Rusiya), "Latsio" (İtaliya), "Brügge" (Belçika), “Monako” (Fransa), "Rapid" (Avstriya)

Cia.az

Daha tez məlumatlanmaq üçün Facebook səhifəmizi