|
"Avro-2016"nın seçmə mərhələsinin son turunda İsraillə keçirilən matç Belçika yığması üçün əlamətdar olub. Mark Vilmotsun komandası İsraillə oyunda yubiley qələbəsini qazanıb. Dris Mertens, Kevin de Bruyne və Eden Hazardın qolları ilə rəqibinə 3:1 qalib gələn Belçika yığması 300-cü dəfə meydandan qələbə ilə ayrılıb. Belçika millisi ilk qələbəsini 1905-ci il, mayın 7-də Fransa üzərində qazanıb. Həmin görüş 7:0 hesabı ilə belçikalıların xeyrinə yekunlaşıb. Qeyd edək ki, ümumilikdə 734 oyun keçirən Belçika millisi 300 qələbə qazanıb, 158 heç-heçə edib və 276 dəfə məğlubiyyətlə üzləşib. Cia.az
|
