banner
banner

İdman

"Bizə dayaq olan yoxdur" - Səlahət Ağayev

"Bizə dayaq olan yoxdur" - Səlahət Ağayev

“İnter”in qapıçısı Səlahət Ağayev Premyer Liqanın 15-ci turunda “Qarabağ”a məğlub olduqları oyundan sonra (0:1) Qol.Az saytına müsahibə verib.
- İlk öncə “Günəşli” yatağında baş verən faciədə ölənlərə Allahdan rəhmət, yaxınlarına səbr diləyirəm. Oyuna gəldikdə isə “Qarabağ”ın necə komanda olduğu hamıya məlumdur. Heç bir şərhə ehtiyac yoxdur.
- Səncə, “Qarabağ”ı məğlub etmək mümkünsüzdürmü?

- Bu vəziyyətdə biz “Qarabağ”la başabaş futbol oynadıq. Məğlub olmağımızı faciə saymazdım. Məncə, belə bir komanda ilə oyunda uduzmağımız normaldır.

- Sanki meydanda tam oyununu göstərə bilmirdin, bəzi epizodlarda səhvlərə yol verdin...

- Deməzdim ki, tam gücümlə oynamırdım. Biz meydana ancaq qələbə qazanmaq üçün çıxırıq. Amma bu futboldur. Bütün futbolçuların səhvi ola bilər. 

- Son zamanlar Səlahət Ağayev meydanda çox sakitdir. Əvvəlki çılğınlığını, meydanda kapitan aqressivliyini hiss etmirik.

- Məndən öndə oynayan müdafiəçilərdir. İrəlidəki futbolçularla danışa bilmirəm. Müdafiəçilərin də ən gəncinin 35 yaşı var. Mənim onlara qışqırmağım bir az düz çıxmır. Bu mənim insanlığıma sığışmayan hərəkətdir. 

- Yanvar ayında digər kluba keçmək fikrin yoxdur?

- Ötən mövsümün sonunda təkliflər oldu. Amma “İnter”də qalmağa üstünlük verdim. Çünki böyük futbola bu klubda gəlmişəm. Yaxşı günlərində klubda olmuşamsa, pis gündə də qoyub qaçmaq istəmədim.

- Yəni qış transfer pəncərəsində də“İnter”dən ayrılmayacaqsan?

- Bu haqda nəsə demək hələ tezdir. İlk öncə “İnter”, daha sonra digər klubların təkliflərinə baxacam.

- Rəhbərlik tərəfindən futbolçulara problemlərlə bağlı hansısa vədlər verilib?

- Bildiriblər ki, yaxın vaxtlarda problemlər öz həllini tapacaq. 
 
- Belə çətin durumda liderlik uğrunda mübarizə aparmaq nə dərəcədə asandır?

- “İnter” elə bir klubdur ki, oyuna çıxanda problemlərə baxmır. Biz hər zaman iddialı olmuşuq, belə də davam edəcəyik. Əlbəttə, ötən illərə baxanda indi oyunlara motivasiya olmaq asan deyil. 

- Komandaya kömək əlini uzadan yoxdur?

- Baş məşqçi, futbolçular və işçilərdən başqa bizə dayaq olan yoxdur.

- Çempionat başlayanda durumun necə olduğunu bilirdin. Bəs belə davam edə biləcəyini düşünmürdün?

- Sözün açığı yaxşı olacağını fikirləşirdik. Amma bu qədər problemin qarşısında düşünürəm ki, pis nəticə göstərməmişik. 

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.