“Qrupda elə də pis çıxış etmədik. Başımızı aşağı salmamalıyıq. Bunu paltardəyişmə otağında futbolçulara da demişəm. İrəli baxmalıyıq”.
Qol.Az-ın məlumatına görə, bu sözləri “Qəbələ”nin baş məşqçisi Roman Qriqorçuk Avropa Liqasının qrup mərhələsində “Krasnodar”a uduzduqları oyundan (0:3) sonra deyib.
- Heç olmasa bu oyunda yerli futbolçulara şans vermək olmazdı?
- Başa düşmürəm ki, niyəi komandanı azərbaycanlı və qeyri-azərbaycanlılara bölməliyik. Biz komanda şəklində oynayırıq. Yanaşmamız eynidir. Kim hazır olsa, ona şans veririk. Daxili çempionatda yerli futbolçulara daha çox şans veririk.
- Oyundan sonra futbolçulara nə dediniz?
- Onlardan razı qaldığımı bildirdim.
- Sanki ikinci hissədə futbolçularınız soyuqdan donurdu.
- Düşünmürəm ki, biz soyuqdan donmuş kimi görünürdük. İlk hissəyə yaxşı başlamışdıq. Qol şansımız da oldu. İkinci hissədəki oyunlarına görə futbolçularımı qınamıram. Çox pis oynadığımızı deməzdim.
- Futbolçularınız Avropa Liqasından daha çox pul qazandılar, yoxsa təcrübə?
- Heç bir futbolçumuz pul barədə düşünmürdü. Meydanda canlarını qoyurdular. Hiss olunurdu ki, onlar pulu düşünmür. Hətta bəziləri xəstə halda da məşqlərdə iştirak etdilər.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.