|
"Barselona" qış transfer pəncərəsi bağlanmadan daha bir futbolçu ilə heyətini gücləndirməyi planlaşdırır. Cia.Az-ın xarici KİV-lərə istinadən verdiyi xəbərə görə, bu barədə komandanın baş məşqçisi Luis Enrike məlumat verib. İspaniyalı mütəxəssis ötən mövsümkü uğurlarını təkrarlamaları üçün heyəti gücləndirməli olduqlarını bildirib: "Bazar ertəsi transfer pəncərəsi rəsmən bağlanacaq. O günə qədər klub prezidenti bizə daha bir transfer hədiyyəsi edə bilər. Ötən mövsümkü uğurları təkrarlaya bilməmiz üçün heyəti gücləndirməliyik. Məqsədimiz qələbələrə davam etməkdir". Qeyd edək ki, "Barselona"nın "Vilyareal"dan Denis Suares, "Selta Viqo"dan isə Nolito ilə maraqlandığı iddia edilir. Cia.az
|
