ABŞ-da “Southwest” aviaşirkətinə aid San Fransisko-Finiks reysi ilə hərəkət edən təyyaeədə doğum hadisəsi baş verib. ANS PRESS-in məlumatına görə, aviaşirkətin nümayəndəsi Emili Samuel təyyarə sərnişinləri arasında olan həkimlə tibb bacısının doğuma tibbi müdaxilə göstərdiyini bildirib. Doğum səbəbindən təyyarənin Los Ancelesdə təcili eniş etdiyini deyən Samuel ananın da, körpənin də vəziyyətinin yaxşı olduğunu bildirib.
Təyyarənin əməkdaşı isə həmin anın möhtəşəm bir an olduğunu, körpənin səsi eşidilən kimi sərnişinlərin əl çaldığını qeyd edib.
Qeyd edək ki, təyyarə təmizlənəcəyi üçün sərnişinlər Finiksə başqa bir təyyarə ilə uçmalı olublar.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
