ABŞ Vaşinqtonun Moldovanı Avropa Birliyi və NATO üzvü olan Rumınyaya birləşdirmək cəhdi ilə bağlı rusiyapərəst siyasətçi İgor Dodonun iddiasını rədd edib.
Müxalifətdə olan “Moldova Sosialist Partiyası”nın lideri Dodon ötən həftə Rusiya mətbuatına müsahibəsində Vaşinqtonun belə bir dəhşətli senarisi olduğunu bildirib və Moldovanı Moskvanın rəhbərlik etdiyi Avrasiya ittifaqına qoşulmağa çağırıb.
ABŞ-ın Kişinaudakı səfirliyi fevralın 9-da onun bu ittihamının tamamilə cəfəng olduğunu bildirib.
Səfirlik bəyan edib ki, Moldova suveren dövlətdir, Vaşinqton onun müstəqilliyi və ərazi bütövlüyünü tam dəstəkləyir.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
