Azərbaycanın və “Qəbələ” İdman Klubunun boksçusu Fariz Məmmədov bu gün peşəkar rinqdə növbəti döyüşünü keçirəcək.
Qol.Az-ın “Qəbələ” klubunun saytına istinadən yaydığı xəbərə görə, iİdmançımız Ukraynanın paytaxtı Kiyevdə keçirilən “K2 Promotions” turniri çərçivəsində baş tutacaq 11 görüşdən birinin iştirakçısı olacaq. Yarımorta çəki dərəcəsində (66,678 kq) çıxış edən Məmmədovun Kiyev İdman Sarayındakı rəqibi isə dəyişib. Boksçumuz Belarus vətəndaşlığı daşıyan çeçen Xavadji Xatsiqovla qüvvəsini sınamalı olsa da, bu qarşılaşma baş tutmayacaq. Buna səbəb əvvəllər Rusiya bayrağı altında da çıxış etmiş həvəskarlar arasında sabiq Avropa çempionunun Ukraynaya gəlməməsidir.
Nəticədə təşkilatçılar Məmmədova yerli idmançılar arasında rəqib tapmalı olub. Bu üzdən təmsilçimiz Valentin Kutsla döyüşəcək. Reytinq xarakterli döyüş 6 raunddan ibarət olacaq. 180 sm boya malik 34 yaşlı ukraynalı peşəkar rinqdə 2003-cü ildə debüt edib. Bu müddətdə 25 döyüşə çıxan Kuts 8-i nokautla olmaqla, 22 qələbə qazanıb. Lakin Kuts son iki görüşdə rinqi məğlub tərk edib.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
