banner
banner

İdman

Qadın güləşçilərimizdən daha iki medal

Qadın güləşçilərimizdən daha iki medal

Bolqarıstanın Ruse şəhərində 23 yaşadək güləşçilər arasında Avropa çempionatı davam edir.

Cia.az-ın Azərbaycan Güləş Federasiyasının rəsmi saytına istinadən verdiyi məlumata görə, çempionatın dördüncü günündə 53 kq, 58 kq, 63 kq və 75 kq çəkidə qadın güləşçilər mübarizəyə qoşulub.

Onlar günü 1 gümüş və 1 bürünc medalla başa vurublar.

58 kq. çəkidə yarışan Alyona Kolesnik ardıcıl olaraq Moldovadan Yekaterina Rusu və Türkiyədən Derya Bayhanı tam üstünlüklə məğlub edib və finala yüksəlib. Finalda isə o, ukraynalı Tetyana Kitlə qarşılaşıb. Rəqibinə uduzan Kolesnik çempionatın gümüş medalı ilə kifayətlənib.

53 kq. çəkidə mübarizə aparan Leyla Qurbanova ilk görüşdə Rumıniyadan Simona Prikob, ardınca Türkiyədən Fikriye Gök üzərində qələbə qazanıb. 53 kq. çəkidə gedən mübarizənin yarımfinalında Ukrayna təmsilçisi Lilya Horişna ilə görüşü uduzan L.Qurbanova bürünc medal görüşünə haqq qazanıb. Həlledici görüşdə Azərbaycan güləşçisi İsveçdən Sandra Sarkkinen ilə dueldən qalib ayrılıb və çempionatın bürünc medalına sahib olub.

Beləliklə, U-23 Avropa çempionatında qadın güləşçilərin mübarizəsi yekunlaşıb. Ümumilikdə 1 qızıl, 1 gümüş və 3 bürünc medalla yarışı tamamlayan Azərbaycanın qadın güləşi üzrə yığması komanda hesabında 49 xal toplayaraq Ukrayna (60), Rusiya (60) və Türkiyədən (51) sonra 4-cü yerdə qərarlaşıb.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.