|
Türkiyənin Samsun şəhərində boks üzrə Rio Olimpiya Oyunlarına Avropa qitəsi üzrə lisenziya xarakterli turnir davam edir. Qol.az-ın Azərbaycan Boks Federasiyasının saytına istinadən yaydığı xəbərə görə, bu gün rinqə çıxan 75 kq-da mübarizə aparan Kamran Şahsuvarlı fransalı Kristan Embilli ilə qarşılaşıb. Gərgin keçən döyüş idmançımızın məğlubiyyəti ilə yekunlaşıb. Qeyd edək ki, dünən yarışın ilk günündə qadın idmançılarımızdan 51 kq-da mübarizə aparan Anaxanım Ağayeva rəqibinə məğlub olsa da, 60 kq çəki dərəcəsində döyüşən Yana Alekseyevna qalib gələrək növbəti mərhələyə yüksəlib. Xatırladaq ki, turnirə aprelin 17-də yekun vurulacaq. Cia.az
|
