“Oyun çox həyəcanlı alındı. Səfərdə 5:1 hesablı qələbə qazanmışdıq. Bugünkü oyuna da komanda ciddi yanaşmalıydı”.
Qol.az-ın Futbolxeber.az-a istinadən yaydığı xəbərə görə, bu sözləri AFFA-nın baş katibi Elxan Məmmədov deyib.
Baş katib futzal yığmamızın dünya çempionatına vəsiqə qazanmasını şərh edib.
E. Məmmədov yığmamızın pley-off mərhələsinin cavab görüşündə Hollandiyanı məğlub edə bilməməsinin səbəbini belə izah edib:
“Komanda məsuliyyətini dərk edirdi. Futzalçıların üzərində təzyiq də var idi. Elə 4:4 hesabı da bu təzyiqin nəticəsi idi”.
Elxan Məmmədov Bakı İdman Sarayında millimizə dəstək olan azarkeşlərə minnətdarlıq edib:
“Azarkeşlərə təşəkkür edirəm. Sona qədər komandaya dəstək oldular. Komandamıza inam vardı. Avropa çempionatrlarında yaxşı çıxış etsək də, bu günə qədər dünya çempionatına vəsiqə qazana bilməmişdik. Bu, ilk belə haldır”.
AFFA-nın baş katibi millimizin dünya çempionatına hazırlığından da söz açıb:
“Tezliklə baş məşqçi ilə danışığımız olacaq, 4 aylıq plan tərtib ediləcək. Mundiala qədər ən azı 4 yoxlama oyunu keçirəcəyik”.
Elxan Məmmədov AFFA-nın milli üzvlərini mükafatlandıracağını da vurğulayıb:
“Bununla bağlı AFFA-nın xüsusi qərarı olacaq. Bunu müzakirə etməliyik. Ondan sonra komanda mükafatlandırılacaq. Mükafat mütləq olmalıdır. Çünki yığmamız çox böyük nəticəyə imza atıb”.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.