"Qəbələ"nin Topaz Premyer Liqasının növbəti turunda "Xəzər Lənkəran"la səfər oyunu öncəsi müdafiə xətti ilə bağlı ciddi problemləri yaranıb.
Ukraynalı baş məşqçi Roman Qriqorçuk iki aparıcı mərkəz müdafiəçisinin xidmətindən məhrum qalıb.
Ruslan Abışov zədə, Vojislav Stankoviç cəza səbəbindən meydana çıxa bilməyəcək. Üstəlik, Rafael Santos hələ "Sumqayıt"la iki tur öncə sintetik meydanda keçirilmiş səfər oyununda zədələnib və onun Lənkəranda meydana çıxacağı sual altındadır.
Belə olan halda, Qriqorçukun xidmətindən yalnız bir müdafiəçi - Vitali Vernidub qalıb. Ukraynalı mütəxəssis vəziyyətdən çıxış yolu kimi əvəzedici heyətdən mərkəz müdafiəçisi Murad Musayevi hazırlığa cəlb edib. "Qəbələ"nin əvəzedicilərinin kapitanı öz çempionatında sarı vərəqə limtini aşdığına görə cəzalıdır və növbəti turda meydana çıxmayacaq. Santos sağalmasa, Musayevin "Xəzər Lənkəran"la oyunda əsas heyətdə meydana çıxacağı gözlənilir.
Qriqorçuk əvəzedicilərdən yarımmüdafiəçilər Emin Zamanovla Roman Hüseynovu da hazırlığa cəlb edib. Qapıçılardan isə Murad Popovla Süleyman Süleymanov növbəliliklə əsas komandada hazırlaşır. Ancaq Andrey Popoviç hələ də əvəzedici heyətdədir. Qrqiorçuk qış fasiləsində "Kəpəz"lə səfərdə böyük hesabla uduzduqları (0:3) matçda səhvləri ilə yadda qalan milliləşdirilən ukraynalı qapıçını qaytarmağı düşünmür.
Cia.az
