İngiltərə Futbol Asssosiasiyası "Liverpul"un futbolçusu Mario Balotellini bir oyunluq cəzalandırıb.
Qol.Az-ın Britaniya mətbuatına istinadən yaydığı xəbərə görə, buna italiyalı hücumçunun özünün "İnstaqram" səhifəsində paylaşdığı şəkildə irqçi fikirlər səsləndirməsi səbəb olub.
M.Balotelli İngiltərə Premyer Liqasının 17-ci turunda "Arsenal"a qarşı matçı buraxmalı olacaq.
Bundan başqa, M.Balotelli 25 min funt sterlinq məbləğində cərimələnib.
Qeyd edək ki, M.Balotellinin paylaşdığı şəkildə bu ifadələr yer alıb: “İrqçi olmayın! Mario kimi olun. O, yaponlar tərəfində yaradılan italiyalıdır, meksikalı kimi görünür, qaradərililər kimi tullanır, yəhudilər kimi isə qəpik yığır”.
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.
