|
"Kor deyiləm, görürəm ki, daha yaxşı oynaya bilərik. İndi bizim üçün turnirin ikinci hissəsi başlayır. Bazar günü 1/8 final oyununa çıxacağıq. Həmin görüşə hazırlaşmaq üçün kifayət qədər vaxtımız var". cia.az-ın UEFA-nın rəsmi saytına istinadən verdiyi məlumata görə, bu sözləri Fransa millisinin baş məşqçisi Didye Deşam "Avro-2016"da İsveçrə ilə 0:0 bərabərə qaldıqları matçdan sonra deyib. Oyun haqda danışan fransalı mütəxəssis komandasının bu görüşdə qalib gəlmək şansının olduğunu bildirib: "Texniki cəhətdən İsveçrə yaxşı oynadı. Ancaq bizim qol vurmaq üçün daha yaxşı şanslarımız oldu. Bir qədər bəxtimiz gətirsəydi, qol vura bilərdik. Oyuna nəzarət baxımından inkişafa nail olmalıyıq". Cia.az
|
