Nigerdə silahlı şəxslərin qaçqın düşərgəsinə hücum zamanı 22 hərbçi həlak olub.
"Report" xəbər verir ki, bu barədə "Reuters" ölkənin baş naziri Briqi Rafiniyə istinadən məlumat yayıb. Məlumata görə, hadisə bir qrup silahlı şəxsin qaçqınlar düşərgəsinə hücumu zamanı baş verib. "Biz Tassalitdə düşərgəyə hücum haqda məlumat əldə etmişik. Son məlumata görə, 22 hərbçi həlak olub" – deyə baş nazir bildirib.
O, əlavə edib ki, ölənlərin sayı arta bilər. Ölkənin mərkəzi hissəsindəki düşərgədə Malidən olan qaçqınlar məskunlaşıblar. Hücuma görə məsuliyyəti hələlik heç bir qruplaşma öz üzərinə götürməyib.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.
BƏƏ-nin Dubay şəhərinin məşhur "Dubai Gold District" ticarət rayonunda dünyada ilk dəfə 24 əyarlı xalis qızıldan hazırlanmış piyada yolu istifadəyə veriləcək.
