Bu meyvənin adı berqamotdur. Berqamot sitrus meyvələrinə aiddir. Lakin digər sitrus meyvələri ilə müqayisədə berqamotu acı dada görə çiy halda yemirlər. Aile.lent.az saglamolun.az-a istinadən berqamotun faydalarını sadalayır.
Bu qeyri-adi meyvə dünyada kulinariya, parfümeriya və kosmetologiyada çox geniş istifadə olunur. Berqamot yağı çaya əlavə olunur. Belə çay sağlamlıq üçün çox faydalıdır.
Berqamot və berqamot çayı ürək üçün olduqca faydalıdır - damarları genişləndirir, qan dövranını yaxşılaşdırır, qanda "pis" xolesterolun səviyyəsini aşağı salır. Həkimlər bu çayı ürək xəstəlikləri olan insanlara müalicəvi vasitə kimi tövsiyə edirlər.
Bundan əlavə berqamot çox güclü mikrob və virus əleyhinə təsirə malikdir, orqanizmdə iltihabı azaldır, immun sistemini möhkəmləndirir.
Soyuqdəymə və qrip zamanı berqamot çayı çox yaxşı kömək edir - qızdırmanı salır, xəstənin vəziyyətini yüngülləşdirir.
Berqamot sinir sisteminə də çox müsbət təsir edir - stressi azaldır, əhval-ruhiyyəni yaxşılaşdırır, baş ağrılarını azaldır.
Berqamot şəkərin səviyyəsini tənzimləyir və bu səbəbdən şəkərli diabetdən əziyyət çəkənlər üçün çox faydalıdır.
Berqamot kişilərdə potensiyanı yaxşılaşdırır.
Cia.az
